28-годишник нападнал па репетирал и вперил пиштол во началник на ЕБР во Чаир
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека ги сторило кривичните дела – Неовластено изработување, држење, посредување и тргување со оружје или распрскувачки материи од член 396 став 1 и Напад врз службено лице при вршење работи на безбедноста од член 383 став 2 во врска со став 1 од Кривичниот законик.
Осомничениот 28-годишник, на 23 мај, пред угостителски објект на улицата „Македонско-косовска бригада“ во Скопје, нападнал и телесно повредил полициски службеник – началник на ЕВР Чаир, кој постапувал и вршел контрола на службите на терен во врска со кампањата „Безбедна матурска прослава“.
Осомничениот најпрвин вербално му се заканил на полицискиот службеник, а потоа и физички го нападнал, удирајќи го со бокс во пределот на раката. Осомничениот извадил и огнено оружје – пиштол марка „Сиг Сауер“ со калибар 9 мм, со 10 куршуми во рамката, кој го поседувал без дозвола, го репетирал и го вперил кон оштетениот. Еден од другите присутни полициски службеници му ја оттурнал раката, при што осомничениот испукал еден проектил во воздух, а веднаш потоа бил совладан од присутните полицајци.
Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, оценувајќи дека постои опасност да се даде во бегство, да влијае врз сведоците или да го повтори делото.
Ново на Сител
-
Нови 1.233 заразени, 1.450 оздравени и седум починати од КОВИД-19
-
Кинески авиони повторно ја преминаа централната линија во Тајвански Теснец
-
Белата куќа: Борбите во близина на нуклеарната централа Запорожје се опасни
-
Ердоган: Работиме на воспоставување стабилност и просперитет на Балканот
-
Андрулакис бара од Мицотакис да каже зошто бил прислушуван
-
Македонски државјани „гарант” за косовски граѓани во обидите од Драч да заминат за Италија
-
Две лица осомничени за разбојништво во Скопје
-
Николоски: Споменот за загинатите херои е вечен