19 стебла канабис пронајдени во струмичко

Полициски службеници од СВР Струмица вчера во 01.10 часот во Струмица го лишиле од слобода Ф.В.(18) од село Добрејци, струмичко.

Како што соопшти денеска МВР, при преглед кај него била пронајдена марихуана, а потоа, врз основа на судска наредба, бил извршен и претрес во неговиот дом, при што во дворното место биле пронајдени 19 стебла канабис.

-Лицето е задржано во Полициската станица Струмица, а за настанот е запознаен јавен обвинител од Основното јавно обвинителство Струмица. По целосно документирање на случајот, против Ф.В. ќе биде поднесена соодветна пријава, соопшти МВР.