18 прекршоци за неисправност и непочитување на пловилата

Ноќно пловење, непоседување уверение за управувач на чамец, неистакната регистарска ознака и еден катамаран  казнет за претовар на патници се неправилностите коишто се утврдени при засилените контроли во Охридското Езеро.

Од Капетанија на пристаништа велат  дека се детектирани 18 прекршоци за неисправност и непочитување на правилата за пловење.

Контролите ќе  следат и во пресрет на летната сезона . Од Капетанијата апелираат до сите учесници во внатрешната пловидба навремено да ги регистрираат своите чамци, и да се придржуваат до правилата и мерките за безбедна пловидба.

За безбедност на патниците, сите пловила треба да имаат заштитни појаси, сидро, венец за спасување, противпожарен апарат и радио врска со Капетанија.

Годиниве наназад  во внатрешната пловидба регистрирани се повеќе инциденти, опожарени пловила, сообраќајки  со глисери и  скутери, но  и најголемата бродска несреќа  потонувањето на бродот Илинден.