16 години од смртта на поранешниот претседател Борис Трајковски
Со положување венци на гробот и на спомен обележјата во чест на поранешниот претседател Борис Трајковски денеска ќе биде одбележана 16-годишнината од неговата смрт.
Од владината прес-служба информираа дека министерот за дијаспора Едмонд Адеми ќе ја предводи делегацијата на Владата на одбележувањето на годишнината од смртта на Трајковски, во Мостар, кај Ротимље, каде што се случи авионската несреќа. Во делегацијата на Владата се и министерот задолжен за странски инвестиции, Елвин Хасан и заменик министерот за култура, Владимир Лазовски. На одбележувањето најавено е присуство и на претставници на Владата на Босна и Херцеговина и на градот Мостар.
Делегација на Владата што ќе ја предводи министерот за информатичко општество и администрација Дамјан Манчевски, заедно со министерот за образование и наука Арбер Адеми и министерот за земјоделство, шумарство и водостопанство Трајан Димковски, ќе положи цвеќе на гробот на претседателот Трајковски на Градските гробишта Бутел во Скопје.
На споменикот на поранешниот претседател Борис Трајковски во Струмица, цвеќе ќе положи владина делегација во состав министер за транспорт и врски Горан Сугарески, заменик министерката за образование и наука Елизабета Наумовска и Кирил Парталов, државен секретар во Министерството за локална самоуправа.
Ново на Сител
-
Активни шест пожари, вкупно 14 на отворен простор
-
Пронајдена е исчезнатата Билјана од Прилеп
-
Пронајден починат 55-годишен скопјанец во водите на Охридското Езеро
-
Редици пред првата „Лабубу“ продавница во Германија
-
Скопско со нова кампања: Вкусот што нѐ опушта и прави да сме свои
-
На „Табановце“ за влез и излез од државата се чека 20 минути
-
Во Газа досега загинаа 232 новинари
-
Отстранети пешкири, лежалки и чадори поставени без дозвола на плажите во Полихроно и Калитеа