10.та победа за Ѓорческа во серија

Македонската тенисерка Лина Ѓорческа ја оствари и 10.та победа во серија откако денеска за помалку од еден час (58 минути) ја победи Анастасија Вдовенко од Молдавија со 6-1 и 6-2 во сетови. Со овој триумф Ѓорческа обезбеди полуфинале на уште еден фјучрс во Анталија.

Воедно ова за неа е 10.та победа во серија откако има три триумфи во сингл на овој турнир, пет од претходниот турнир на кој победи и два во квалификациите на фјучрсот во Истанбул, но потоа поради здравствени проблеми мораше да го откаже настапот на главиот турнир.

Таа утре во полуфиналето ќе игра со подобрата од мечот Гулинарова (Украина) и Поспелова (Русија).

Во конкуренција на двојки денеска со Ива Приморац од Хрватска го играат полуфиналето против Фолц (Узбекистан) и Поспелова (Русија).