Над милион деца во Британија спијат на под или креветот го делат со некој друг
Во Велика Британија повеќе од милион деца спијат на под или делат кревет со некого бидејќи нивните семејства не можат да си дозволат да ги заменат искршените кревети, се наведува во нов извештај на организацијата за помош на деца во социјален ризик, „Барнардо“.
Се наведува дека станува збор за семејства со ниски приходи кои едвај се справуваат со зголемените сметки за храна и струја. Проценките говорат дека околу 700.000 деца делат кревет со некого, додека околу 440.000 од нив спијат на под, што ги прави уморни, вознемирени и тешко се концентрираат на училиште.
Некои родители спијат на кревети за седење или столчиња за да им отстапат кревет на децата, но има и деца кои ноќта ја минуваат на душеци, понекогаш и без чаршафи или јоргани.
Истражувањето на „Барнардо“ покажува дека лани повеќе од 336.000 семејства не можеле да си дозволат замена или поправка на кревет. Во истовреме, над 200.000 семејства изјавиле дека креветите или постелнината на нивните деца се мувлосани и влажни бидејќи греењето е прескапо, додека речиси 190.000 семејства не можат да си дозволат да ги перат и исушат постелнината.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра