Вториот циклус од караванот на ДПМ посветен на втемелувачите на современата литература
Друштвото на писатели на Македонија ќе го посвети вториот дел од циклусот поетски каравани на книжевните великани и втемелувачи на современата македонска литература како што се Кочо Рацин, Ацо Караманов, Блаже Конески, Гане Тодоровски и Анте Поповски.
Вториот дел од поетскиот караван ДПМ го најави за септември, октомври и ноември во Велес, Радовиш, Кожле, општина Ѓорче Петров, на манифестацијата „Средба на генерациите“ во ДПМ и на Филолошкиот факултет во Скопје.
Во рамки на годинашниот циклус поетскиот караван на ДПМ гостуваше во Свети Николе, Крива Паланка, Битола, Штип, Тетово, општина Илинден, Македонски Брод, Лазарополе, Демир Хисар, а настапи и на Фестивалот на детското литературно творештво „Ракатки“.
До крајот на годината поетите на ДПМ ќе го продолжат караванот и во Крушево, Гевгелија, Куманово и Кавадарци.
Циклусот поетски каравани Друштвото на писателите на Македонија го реализира во рамки на проектот за дисперзија на културните настани во земјата. На манифестацијата учествуваат 90 поети од сите генерации.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен