Вонредна дезинфекција и дератизација во штипските градинки и училишта
Во сите градинки, основните и средни училишта во Штип деновиве е извршена вонредна дезинфекција и дератизација, согласно препораките на Министерството за здравство со цел справување со ширењето на грипот.
Според Марија Џонова-Попова од Одделението за образование во Општина Штип, намален е бројот на децата во штипските детски градинки, каде поради ниските температури и грипот родителите, превентивно не ги носат децата во градинките.
Во дветте детски градинки „Астибо“ и „Вера Циривири-Трена“ и нивните клонови во населбите од вкупно запишани 1.450 деца, дневно во нив се згрижуваат околу 200 деца.
- Сведоци сме сите дека изминатиот период нашата држава ја зафатија поларни температури, па затоа голем дел од родителите одлучија дечињата да не ги пуштаат во градинка. Меѓутоа и покрај ниските температури, градинките се целосно спремни за овој период. Резервите со нафта се на завидно ниво, сите простории се топли, дури градинките располагаат и со дополнителни грејни тела, доколку е потребно да се вклучат, за да се затоплат просториите, вели Џонова-Попова.
Советничката во Одделението за образование во општина Штип Соња Николовска, денеска соопшти дека во основните и средни училишта деновиве извршена е вонредна дезинфекција и дератизација согласно препораките на Комисијата за спречување на заразни болест. Во штипските основни и средни училишта нема технички проблеми со парното греење, додека техничките служби превенираат да не дојде до замзрнување или дефект во училиштата. Нафта и огревно дрво има во доволни колчини за второто полугодие на учебната 2016-2017 година, кое ќе почне на 23. јануари.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати