Во Велес одбележана Неделата на сестринството
Здружението на медицински сестри техничари и акушерки од Велес денеска со свеченост го одбележа 5 мај, Денот на акушерки и 12 мај, Ден на медицински сестри и техничари, односно ја одбележа Неделата на сестринството.
Претседателот на Здружението, Ружица Нацева изјави дека голема е улогата на медицинските сестри, техничари и акушерки во системот за лекување и пружање на медицинска помош на болните во здраствените установи во земјава.
- Улогата на медицинските сестри, техничари и акушерки во здравствениот систем е незаменлива. Тие се грижат за здравјето на болните и подобрување на нивната здравствена состојба. Посебно значајна е улогата на акушерките кои им помааат на жените да се породат и на свет ги донесат своите деца, работа која посебно тешка и одговорна, посочи Нацева.
На свеченоста беа доделени и традиционалните општински благодарници на шестте најдобрите медицински сестри, техничари и акушерки, како и републичките признанија. Признанија добија и Одделението за медицина на труд и Интерното одделение при Велешката општа болница.
Републичките признанија годинава ги добија медицинските сестри од Велес, Љубинка Думовска и Оливера Миланова, а признанијата ќе им бидат врачени на 12 мај во Скопје.
Ново на Сител
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок