Во сабота на Попова Шапка отворање на „Снежен град“
Во организација на Детскиот културен центар (ДКЦ) „Карпош“ од Скопје на Попова Шапка четврти ден траат подготовките за 44 - тото издание на манифестацијата „Снежен град“. Во градењето на фигурите учествуваат ученици од повеќе основни училишта од Тетово, Прилеп, Скопје и Виница, а свеченото отворање е закажано за сабота.
- Оваа манифстација е една од најстарите од овој вид во државата, а порано на неа учествувале деца од сите поранешни југословенски републики и навистина тоа е веќе една традиционална манифестација што ние ја одржавме над четири децении, изјави директорката на ДКЦ „Карпош“ Ружа Ѓорѓевска.
Манифестацијата освен забавен има и образовен дел каде покрај претстојот на снегот во остатокот од времето децата имаа повеќе активности како квизови, спортски натпревари и разни работилници.
-Децата преку целиот ден престојуваат на снегот и градат и прават разни фигури од него, но и од други материјали што природата ни ги дарува. Освен забава и дружба ова има за цел децата да ја изразат својата креативност, чуството за одговорност и рекреација, рече Стојан Христов од ДКЦ „Карпош“
Изградбата на снежниот град на Попова Шапка е во тек, а свеченото отворање е закажано за сабота каде дечињата ќе ги претстават снежните фигури пред посетителите.
Од своето основање манифестацијата „Снежен град“ речиси четири децении се одржуваше во Маврово. Од 2014-та година таа е пренесена на Попова Шапка.
Ново на Сител
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата