Во лавината во Италија досега загинаа 25 лица, четири се исчезнати
Спасувачите пронајдоа уште тела на жртви во лавината, што пред една недела го затрупа хотелот во Италија, со што вкупниот број на загинати во несреќата нарасна на 25 лица - 13 мажи и 12 жени, пренесе ДПА.
Како исчезнати се уште се водат четири лица. Иако веројатноста тие да бидат пронајдени живи веќе е минимална, спасувачките операции ќе продолжат се додека не се најдат сите исчезнати луѓе, уверуваат италијанските власти.
По лавината, вкупно 11 лица беа пронајдени живи, а меѓу нив и четири деца, кои под урнатините на хотелот го преживеаја ударот на масата снег.
На 18 јануари 120.000 тони снег, со брзина од околу 100 километри на час, се струполија врз хотелот со четити ѕвезди „Риџопиано“. Истиот ден серија земјотреси со јачина од 5 степени според Рихтеровата скала ја потресоа централна Италија.
Италијанското обвинителство отвори истрага за убиство од невнимателност за да утврди евентуална одговорност за несреќата или неадекватна реакција на спасувачките служби.
Се прават проверки зошто повиците за помош од хотелот биле задоцнети, зошто се забавило испраќањето на риначот на снег што пристигнал многу по спуштањето на лавината врз хотелот, дали имало процедури за реакција во несреќи и дали тие биле почитувани.
Ново на Сител
-
Променливо време со дожд и во наредните денови
-
Претрес во Кочани, пронајден пиштол, приведен насилник
-
Македонија се задолжува 50 милиони евра
-
Џафери: Арсовска да ја искоси тревата во дворот на Владата
-
Џафери за бојкотот на претседателските избори: Груби не е влада, ниту партија
-
Зеленски и ја честита победата на Сиљановска-Давкова
-
Сплит: Вработена му помогнала на муштерија да хакира машина за игри на среќа
-
Повлечени 104.000 пакувања леб во Јапонија откако во две биле пронајдени траги од глувци