Во Кривогаштани по 37-пат „Денови на македонската народна носија“
По 37- пат денеска во Kривогаштани ќе се одржи манифестацијата „Денови на македонска народна носија“.
Утре напладне во центарот на Кривогаштани е дефилето на учесниците. Учествуваат 20 екипи од сите региони во Македонија. Годинава се очекува манифестацијата да има и меѓународен карактер.
Со оригиналната народна носија од својот крај пред посетителите во Кривогаштани ќе се претстават и гостите од Пиринска и Егејска Македонија, како и учесници од Мала Преспа.
Утревечер од 19 часот во Домот на културата во Кривогаштани е ревијалниот дел кога ќе бидат доделени наградите на најдобрите учесници.
Организатори на манифестацијата се општината Кривогаштани и КУД „Илинден“ од Кривогаштани, под покровителство на Министерството за култура.
Како што информираат од локалната самоуправа на Кривогаштани, Министерството втора година по ред издвојува средства за поуспешна организација на оваа ретка манифестација која го поддржува негувањето на македонската традиција и македонската оригинална носија.
Ново на Сител
-
ДИК: Излезноста до 9 часот е 7,22 проценти, поголема во однос на 8 мај
-
ЦУК: Жителите на Куманово да не ја пијат водата од ЈП „Водовод“
-
Одбележување на денот на семејството, НТЦ семинар со д-р Ранко Рајовиќ
-
Избирачкото место 1272 во Охрид отворено навреме, гласањето се одвива непречено
-
ЦУК: Поплавувања и штети од невремето на објекти, земјоделски површини, патишта и автомобили
-
Прегласувањето во Струга почна навреме, процесот тече непречено
-
Се прегласува во село Ларце, Општина Желино, процесот се одвива без проблеми
-
Најмногу дожд во Велес 20 литри на квадрат