Во Битола одбележана 73 годишнината од Холокаустот на македонските Евреи
Претставници на национални и локални институции, здруженија на граѓани, волонтери од Македонија, Црна Гора, Босна и Херцеговина, гости од САД, Германија и Израел, денеска во Битола ја одбележаа 73 годишнината од Холокаустот на македонските Евреи.
На денот на депортацијата на Еврејската заедница од Битола, во „Меморијалниот парк на Евреите од Монастир/Битола“ беше отворена скулторска инсталација од уметникот Мати Грунберг, а магнолија во знак на сеќавање на жртвите на Холокаустот засади Ханс Јоаким Шолц, претставник на Регионалната Протестантска црква од Баден, Германија воедно и прв донатор во Меморијалниот парк.
На комеморацијата во Битола, министерот без ресор во Владата на Република Македонија Џери Наумоф истакна дека Еврејската историја на Битола треба да биде секому кажана и потсети на неговите досегашни напори врзани со привлекувањето на странски инвестиции во овој град.
- Битола е едно од најважните места во македонската историја и култура. Еврејската историја на Битола треба да биде кажана затоа што Ерејската заедница на Битола беше суштински дел од нејзиното милје и култура. Како министер се обидов да дадам скромен придонес во економскиот развој на Битола и во последниов период успеав да донесам 7 инвестиции, а работам и на идни инвестиции, посебно со компании од Израел, рече меѓудругото министерот Наумоф.
На комеморативните настани во Битола учествуваа и градоначалникот Владимир Талески, израелскиот амбасадор Дан Оријан, а програмските активности ги креираше битолското здружение АРХАМ кои освен што се иницијатори за изградба на Меморијален парк, денеска организираа предавање од професорот Јицчак Керем кој истражува и пишува за партизаните Евреи од Битола, а вечер во битолската „Магаза“ ќе биде отворена патувачката изложба „Ана Франк – Лекции за сегашноста“.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци