ВМРО-ДПМНЕ: Власта е неорганизирана, а тоа може да чини човечки животи
СДСМ и Филипче се во хаос и нема вистински мерки за зголемување на здравствените капацитети и заштита на животите на граѓаните и медицинскиот персонал.
Бројот за заразени од корона вирус секојдневно се зголемува. Според последните податоци во државата има 44 нови случаи и 2 смртни случаи.
Светската здравствена организација секојдневно препорачува да се тестираат што поголем број на граѓани, но загрижува податокот што во текот на 24 часа е ограничен бројот тестови. загрижува и податокот што медицинскиот персонал кој е најмногу изложен на ризик се соочува со недостаток на медицинска опрема.
Комисијата за здравство на ВМРО-ДПМНЕ предлага конкретни мерки во врска со справување со пандемијата на корона вирусот.
Ургентно да се преземат мерки за обезбедување на соодветна опрема за персоналот и негова заштита, штедење на истиот, преку точно подготвен и испланиран Бел план за функционирање на здравствените институции.
Рестриктивни мерки и прогласување на карантин во градовите со најмногу инфицирани и заболени пациенти, Скопје, Куманово и Струга.
Подготовка на големите спортски објекти како арената „Борис Трајковски“ за примање и згрижување на поголема група на пациенти. Тоа да биде направено по примерот на соседните главни градови Софија, Белград и Загреб.
Да се продолжи со барање на меѓународна помош која би била во опрема, материјали и експерти.
ВМРО-ДПМНЕ подава рака да се санираат сите последици од пандемијата. Здравјето на граѓаните пред се и над се.
Центар за комуникации на ВМРО-ДПМНЕ
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228