Видодо бара прекин на конфликтите меѓу припадниците на армијата и полицијата во Индонезија

Индонезискиот претседател Јоко Видодо денеска во Џакарта ги собра највисоките раководства на армијата и полицијата на Индонезија и од нив побара да запрат се позачестените конфликти и судири меѓу припадниците на силите што треба да ја осигураат безбедноста во оваа 256 милионска држава.

Судирите, најчесто вербални, но и физички, според полицијата, ги предизвикуваат припадниците на армијата, покажувајќи дека припаѓаат на посериозни и поважни припадници меѓу безбедносните сили.

Најжесток судир се случи во 2013 година, кога по улична тепачка меѓу војници и полицајци, група офицери ги запалија полициските простории.

На состанокот со 173 високи офицери на двете служби претседателот Видодо изјави дека се надева оти ќе прекинат конфликтите, бидејки во спротивно тие можат да ја загрозат вкупната безбедност, а двете служби се соочени со сериозни закани од инфилтрација на радикални и терористички групи кои делуваат финансирани и инспирирани од Исламската Држава.