Вицепремиерот Бесими се сретна со регионалниот директор на УНИЦЕФ, Мари Пјер Поарие
Вицепремиерот задолжен за европски прашања Фатмир Бесими денеска се сретна со регионалниот директор на УНИЦЕФ за Источна и Централна Европа и Заедницата на независни држави, Мари Пјер Поарие.
На средбата, како што соопшти Кабинетот на вицепремиерот, станало збор за мерките и активностите кои се преземаат во Македонија во насока на справување со бегалската и мигранската криза, како и за заклучоците од мини Самитот посветен на истата.
Вицепремиерот Бесими истакнал дека Македонија прави се што е во нашите можности и надлежности со цел соодветно справување со состојбата, пред се заштита на животот и здравјето на мигрантите, заштита на националната и јавната безбедност и заштита на јавното здравје, а особено во насока на сузбивањето на криумчарењето со мигранти и трговијата со луѓе.
Меѓу другото тој нагласил дека на Македонија и е неопходна и понатамошна помош од страна на Европската унија и билатералните партнери, во насока на што Секреатријатот за европски прашања организира Донаторски состаноци со меѓународната заедница.
Двајцата соговорници за време на разговорот ги поздравиле заклучоците од мини Самитот и се согласиле дека само со колективен прекуграничен пристап, базиран на солидартност, одговорност и прагматична соработка меѓу националните, регионалните и локалните власти може да се постигне успех во справувањето со предизвикот.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска