Вакцинираните американски туристи ќе можат да патуваат во ЕУ
Американските туристи ќе имаат право да ја посетат Европската унија во наредните месеци, под услов да се вакцинирани против Ковид-19, изјави за „Њујорк Тајмс“ претседателката на ЕК Урсула фон дер Лајен.
– Колку што гледам, Американците користат вакцини одобрени од Европската агенција за лекови. Тоа ќе им овозможи слободно да се движат и слободно да патуваат во Европската унија, рече таа.
– Едно е јасно: 27-те земји-членки безусловно ќе го прифатат секој што е имунизиран со вакцини одобрени од агенцијата, рече Фон дер Лајен но не прецизираше кога точно ќе се случи тоа. Според весникот, новите правила може да стапат во сила ова лето.
Европската агенција за лекови ги одобри сите три вакцини што се користат во САД: Модерна, Фајзер/Бионтех и Џонсон и Џонсон.
Обновувањето на патувањата ќе зависи „од состојбата со епидемијата, но состојбата се подобрува во САД, како и, се надеваме, и во Европската унија“. Фон дер Лајен го подвлече огромниот напредок на САД, кои се на пат да вакцинираат 70 проценти од возрасната популација до средината на јуни.
Пандемијата го уништи туристичкиот бизнис на европскиот континент, бидејќи голем број земји на ЕУ ги затворија своите граници за патувања кои не се неопходни.
Ново на Сител
-
Цените на горивата остануваат исти, поскапува мазутот
-
МОН: Нов електронски дневник за работа на училиштата, по тестирањето ќе почне неговата официјална примена
-
Герасимовски: Детските реквизитите кои беа искршени од вандали се реконструирани или заменети со нови
-
Столтенберг: Поостри акции против руските шпиони во земјите на НАТО
-
Осум земји од ЕУ бараат да се ограничи движењето на руските дипломати
-
Недела неработен ден за граѓаните од муслиманска вероисповед
-
СПМ: Останати се бројни нерешени прашања кои се основ за нови уцени и блокади од страна на јужниот сосед
-
Седум пожари на отворено изминатите 24 часа во државата