Успех на британските конзервативци на делумните локални избори
Британската Конзервативна партија забележа успех на вчерашните делумни локални избори во Англија, Велс и Шкотска, покажуваат првичните резултати од пребројувањето на гласовите.
Гласачите одлучуваа за поплнувањето на 4.851 место во општинските совети, главните органи на локалната власт во Велика Британија, во 88 општини, од кои 34 во Англија и 54 во Велс и Шкотска.
Според изборните резултати, конзервативците на премиерот Тереза Меј освоија 155 нови места во општинските совети и на тој начин ја зголемија својата предност на локално ниво пред опозициските лабуристи.
Лабуристичката партија доживеа неуспех во Велс, каде успеа да ја задржи контролата врз Советот на Кардиф, но доживеа пораз во две други општини, загубувајќи вкупно 125 места во општинските совети.
Либералните демократи не успеаја во поскуваниот пробив кај гласачите и на вчерашното гласање загубија вкупно 22 места во советите на општините каде се гласаше, додека најголем губитник е десничарската, антиевропска Партија за независност на Обединетото кралство (УКИП) која е „целосно збришана“ во северните општини на Англија, каде партијата ги загуби сите свои досегашни места во локалните органи на власта.
Се уште не се познати резултатите од гласањето во Шкотска, како и за изборот на шест градоначалници, меѓу кои и за поширокиот дел од Манчестер и за градот Ливерпул.
Изборите се одржаа на само пет недели пред превремените парламентарни избори.
Аналитичарите во Лондон оценуваат дека иако делумни и за мал број оптини, изборите одново ја покажаа предноста што конзервативцие ја имаат пред другите партии, иако се согласуваат дека Британците на изборите за Парламентот, честопати гласаат поинаку отколку на локалните избори.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час