Турската армија го држи под опсада градот Африн
Турската армија и нејзините сојузници од Слободната сириска војска го држат под опсада северниот сириски град Африн, упориште на курдските милиции, соопштија денеска турските воени власти.
- Во рамки на нашите операции, градот Африн од вчера, 12 март 2018, е под опсада, се наведува во соопштението на турската војска, објавено од Анадолија.
Војската ги зазеде „критичните точки“ на градот, се наведува во соопштението, без да се наведат конкретни детали.
Илјадници лица од вчера почнаа да бегаат од Африн во моментите кога турските сили се приближуваа кон градот и се упатија кон блиските области кои се под контрола на сириската Влада.
Градот Африн е главна цел на офанзивата која Турција ја почна на 20 јануари против курдската милиција и нивните Единици за заштита на народот. САД ја поддржуваат курдската милиција во Сирија, но Турција ги смета за терористи, односно за продолжена рака на курдските бунтовници кои се борат во Турција.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО