Трајанов во Гевгелија го претстави проектот борба против криминалот
Коалицијата за промени и правда вечерва во Гевгелија одржа митинг на кој ја промовираше својата изборна програма и го претстави проектот за борба против криминалот.
Како што најави претседателот на Демократскиот сојуз Павле Трајанов, проектот предвидува формирање агенција за борба против организиран криминал која ќе работи на откривање на скриениот капитал од функционерите кој потоа ќе се конфискува и преку фонд што ќе го раководат граѓаните парите ќе се враќаат на народот, додека прекршителите ќе се санкционираат со забрана за извршување функции и политичко дејствување од најмалку 10 години.
Коалицијата За промени и правда смета дека Македонија треба да биде една изборна единица за, според Трајанов, Собранието да биде реален одраз на желбата на граѓаните и да се демонтира еднопартискиот систем.
Во врска со економскиот дел, лидерот на ДС најави изедначување на условите за работа на сите компании во земјава и вработување млади кадри, просечна плата од 300 евра и минимална пензија од двеста евра. Најави дека судската такса ќе изнесува само 100 денари, дека паричните казни ќе се намалат за две третини и дека администрацијата ќе почнува со работа од седум часот наутро.
На митингот во Гевгелија, освен Трајанов се обрати и носителот на листата за пратеници од ИЕ 4 Слободан Богоевски.
Ново на Сител
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првосомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ
-
Пелистер го совлада Работнички, ќе игра со МЗТ за титулата
-
Си и Путин се согласуваат за потребата од „политичко решение“ за конфликтот во Украина
-
Претседателката Сиљановска Давкова ќе ги прими поглаварите и претставниците на верските заедници