Светските медиуми за првиот круг од претседателските избори во Франција
Резултатите од првиот круг од претседателските избори во Франција се „одраз на политичката поделеност на земјата“, објави британскиот весник „Гардијан“, додека „Тајмс“ констатира дека француската „елита е понижена“.
- Закана од екстремната десница во Франција и натаму постои, пишува „Гардијан“, истакнувајќи дека Емануел Макрон е „најдобра надеж за оваа исклучителна земја, оптоварена со проблеми“.
„Фигаро“ под насловот „Нокаут за десницата“ се фокусира на неуспехот на Франсоа Фијон, а „Либерасион“ очекува дека Макрон е се поблиску до функцијата претседател.
„Фајненшл тајмс“ предвидува дека на 7 мај, кога се одржува вториот круг, ќе биде денот на „крунисување“ на Макрон.
Под насловот „Поделена Франција“’, германскиот „ФАЗ“ укажува дека повеќе од 40 отсто од гласачите им дале доверба на крајната десница или крајната левица.
„Шпигл“ објавува наслов „Желбата на Франција за обнова“ и исто така се занимава со високиот процент гласови, кои отишле на партиите, кои се против естаблишментот. Сепак германскиот неделник предвидува победа на Макрон.
Полскиот „Газета виборча“ изразува олеснување што шансите за излегување на Франција од ЕУ се намалиле, откако анкетите предвидуваат дека Макрон во вториот круг ќе ја победи Ле Пен.
- ЕУ треба да преживее развод од Британија, кој само што почна. Но Фрегзит би го погребал европскиот проект, тоа е она што лидерот на Националниот фронт, Марин ле Пен го најави, наведува полскиот весник.
Шпанскиот „Паис“ во воведниот дел под насловот „Надеж за Макрон“ нагласува дека успехот на младиот центрист „укажува на патот, што треба да го следат традиционалните партии ако сакаат повторно да се поврзат со своите гласачи“.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници