Средба Заев-Ван Гелдер - Продолжува силната поддршка од Светска банка
Светска банка ќе продолжи да дава силна поддршка за напредок и развој на земјава, а со економскиот тим на Владата ќе се работи на утврдување и поддршка на краткорочните приоритети на РМ.
Ова го истакнала регионалната директорка во Светска банка за Западен Балкан Линда Ван Гелдер на денешната средба со премиерот Зоран Заев во Скопје.
Како што соопшти владината прес-служба, на средбата со претставниците на Светска банка се разговарало за поддршка на системот на менаџирање со јавните финансии, за конкурентноста на економијата, за енергетската ефикасност, како и за поддршка за раст и развој на домашните фирми за да отвораат нови добро платени работни места.
- За да спречиме масовно иселување на младите луѓе со ребалансот на буџетот определивме финансиски средства за проектот „Гаранција за млади“ преку кој државата ќе обезбеди вработување, тренинг или обука за младите луѓе по завршување на нивното високо образование. Тоа значи дека фирмите ќе добијат директна финансиска поддршка од државата за да отвораат можности за работа, напредок и живот на младите луѓе во Македонија“, информираше премиерот Заев.
Претставниците на Светска банка изразиле силна поддршка за економските политики на Владата и заеднички е оценето дека по завршувањето на политичката криза, со реформските процеси од „План 3-6-9“ се отвораат нови можности за економски раст и развој на Македонија.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот