Спречен шверц на дрога од Албанија преку Македонија во Грција
Кривична пријава и притвор за двајца државјани на Албанија вчера поднесе СВР Битола за транспорт на марихуана, хашиш и смола од хашиш од Албанија преку Македонија за Грција. Двајцата се фатени на караилата Лажец битолско додека третото лице помагачот побегнал.
Како што соопшти МВР, Р.А.(45) и Б.Г.(33) заедно со уште едно непознато лице, откако неовластено набавиле опојна дрога марихуана, ја спакувале во најлонски паковки, ја ставиле во две патнички торби и од Албанија се упатиле преку Македонија да извршат транспорт на марихуаната во Грција. Во ноќта меѓу сабота и недела околу 01:30 часот од страна на полицајци од ГН „Меџитлија“, биле забележани во близина на напуштената караула Лажец и на дадена наредба да застанат тројцата се дале во бегство. По кусо време Р.А. и Б.Г. се фатени во непосредна близина на граничната линија со двете торби со марихуана, додека третото лице се упатило во непознат правец.
Од извршената анализа утврдено е дека во торбите има 38 најлонски паковки со марихуана со вкупна нето маса од 38,1 килограми. Во торбите имало и 201 грам хашиш и околу 350 милилитри хашишова смола.
Судија за претходна постапка при Основен суд – Битола, на двајцата пријавени одредена им одредил мерка притвор во траење до 30 дена.
Ново на Сител
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот