Странски инвеститор заинтересиран за ФК Вардар
Најтрофејниот македонски фудбалски клуб Вардар денеска на вонредна прес – конференција во Скопје објави дека и натаму се соочува со големи финансиски проблеми од кои потенцијален излез гледа во можна странска инвестиција за чија реализација побара помош од државните институции.
-Странски инвеститор е заинтересиран да вложи 18 милиони евра. Станува збор за инвестиција која сè уште е во преговори, изјави на средба со новинарите Милорад Миленковски, еден од водачите на навивачката група „Комити“ во чија сопственост од неодамна е Вардар.
Миленковски рече со реализација на евентуалната странска инвестиција прво би се покрил основниот долг на ФК Вардар, но за колкав точен износ станува збор „Комити“ сè уште немаат добиено известување од надлежните институции.
-Со реализација на инвестицијата првично би се покрил долг којшто ги има ФК Вардар, околу три милиони евра, за што и ги повикавме институциите да ни помогнат околу ова прашање, да ни дадат точен одговор колкав е долгот на клубот. Бидејќи, доколку ние сме тие коишто сме предводници на еден ваков проект кој подразбира странска инвестиција во Македонија, би требало државата да ни пружи ресурси и институционална помош, како што тоа би требало тоа да го прави со сите други инвеститори, домашни или странски, кои се подготвени да инвестираат во нашата земја, рече Миленковски.
Вардар по двегодишна пауза оваа сезона се врати во Првата македонска фудбалска лига, но по воведните седум натпревари е на последното место со четири бодови.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени