Според индексот на Херитиџ, Македонија најдобра во регионот по степенот на економски слободи
Економијата на Македонија, според степенот на економски слободи, е најдобра од земјите во регионот, покажува извештајот за 2021 година на Xеритиџ фондацијата. Според индексот на американската фондација, македонската економија е на 46-то место во светот.
Вкупниот резултат на Индексот за економска слобода на Македонија годинава е 68,6 и е намален за 0,9 поени, првенствено, како што велат од Херитиџ, поради падот на трговските слободи.
Од земјите во регионот, Словенија е 48-ма, и Србија е 54-та, Косово е на 58-ма позиција, Хрватска е на 79-то место, додека БиХ се најлоши според економските слободи и се на 82 место.
Македонија е рангирана на 27-то место меѓу 45 земји во регионот на Европа.
-Рангирањето на Македонија спаѓа во категоријата „умерено слободна“ оваа година. За да се сврти курсот кон поголема економска слобода, првиот приоритет на владата треба да биде реформа на судството, скапиот и надуен јавен сектор и други државни институции. Постигнувањето на друга цел, како промовирање на странски директни инвестиции во извозно ориентирани индустрии, ќе биде поттикнато со посилно спроведување на антикорупциските статути, се вели во извештајот на „Херитиџ“.
Ново на Сител
-
Во март 79 отсто од потрошената струја од домашни извори
-
Мицкоски: Очекуваме поддршка од сите што се потпишани Гаши да биде претседател на Собранието
-
Димитриевски: Ќе го поддржиме Гаши за претседател на Собранието
-
Земјотрес регистриран во Скопје
-
Пожарникари од Радовиш цела ноќ гаснеле опожарена дабова шума, пожарот се уште активен
-
Во Битола пронајдени 1408 пушки од балканските војни
-
Најстудено утрово во Лазарополе
-
Хоспитализирани уште три лица со голема кашлица, вкупно 631 заразени