Македонија
14. July 2020 - 8:15

Сончево и топло, попладне дожд во јужните делови

Сончево време со умерена облачност ќе преовладува денеска во земјава. Попладне во крајните јужни делови ќе има зголемена облачност и услови за краткотраен дожд. Ќе дува слаб до умерен ветер од југоисточен правец.

Минималната температура ќе се движи во интервал од 8 до 17, а максималната од 24 до 29 степени. УВ индексот ќе биде 8. 

Во Скопје слично време со минимална температура до 13 и максималната до 29 степени. 

Во следните денови ќе преовладува слично време со постепен пораст на дневната температура. Во попладневните часови ќе има изолирана појава на краткотраен дожд. Во петок кон крајот на денот и во сабота на повеќе места ќе биде нестабилно со пороен дожд, грмежи и засилен ветер.