Словенија го ратификува Протоколот за членство на Македонија во НАТО
Државниот Збор на Република Словенија денеска на вонредна седница го ратификуваше Протоколот за пристапување на Македонија во НАТО. Со тоа, Словенија стана втората земја-членка на Алијансата, која по Грција, го ратификува Пристапниот протокол во НАТО.
На седницата пред гласањето се обрати претседателот на Собранието на Република Македонија, Талат Џафери, кој ја предводи делегацијата на македонскиот Парламент во работна посета на Љубљана. Се заблагодари во име на Собранието и граѓаните на Македонија и нагласи дека со овој чин се потврди пријателскиот и принципиелен однос кон граѓаните на нашата земја.
Според Џафери, уште еднаш се покажа дека меѓу двете држави нема отворени прашања и проблеми. Ја истакна улогата на двата парламенти, кои во трите децении, рече, изградија интензивни билатерални односи на ниво на претседатели и на ниво на работни тела, комисии и администрацијата, а реализирани се и многубројни твининг проекти.
Во обраќањето се осврна на состојбите во Македонија, на усвоените уставни промени врз основа на Преспанскиот договор меѓу Македонија и Грција, со што, како што рече, се надмина спорот околу уставното име и ја блокираше Македонија да стане полноправен член на НАТО и ЕУ. Според Џафери, потпишаувањето на Преспанскиот договор и неговото усвојување на националните парламенти е т.н. вин-вин, сите сме победници и губитници. Изрази надеж дека до крајот на оваа година Протоколот ќе биде усвоен од Парламентите на сите 29 земји-членки на НАТО. Џафери очекува оваа година да добиеме и датум за почеток на преговорите за членство во ЕУ
Во обраќањето пред словенечките пратеници Џафери констатира дека билатералните односи меѓу двете земји се многу добри, во сите сфери, но заостануваат економските односи имајќи предвид, подвлече, можностите и интересот за соработка од двете стопанства.
Според најавите од Албанија, в четврток пристапниот Протокол треба да биде ратификуван и од албанскиот Парламент. Албанските медиуми јавија дека Протоколот за членство на Македонија во НАТО веќе добил зелено светло од законодавно- правната комисија и оти во четврток е закажана седница на Парламентот.
Ново на Сител
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови
-
Возило излетало од коловозот на патот Македонска Каменица - Виница, возачот починал