Словенечките епидемиолози предупредуваат дека поради отворањето на границите имаат новозаразени со коронавирусот
Во Словенија регистрирани четири нови случаи на лица заразени со коронавирусот, а епидемиолозите предупредуваат дека тоа е директна последица од отворањето на границите.
Денешните податоци на Националниот институтот за јавно здравје во земјата има четири новозаразени лица, што е повеќе за еден во споредба со вчерашниот ден.
Шефицата на Советот Ковид-19 при Министерството за здравство Бојана Беовиќ предупреди дека повторниот пораст на инфекциите со коронавирусот е поради начинот на кој се отворија граничните премини.
– Заострените мерки на границите требаше уште да бидат во сила. Начинот на кој сега се отворија граничните премини е причина за ширењето на вирусот. Овие последни случаи можат да резултираат со повеќе десетици новозаразени со вирусот, изјави Беовиќ за Радио Словенија.
Во меѓувреме и премиерот Јанез Јанша предупреди дека Словенија многу лесно може да се соочи со нов втор бран на коронавирусот. Тој упати и порака до Словенците дека доколку не се придржуваат до строгите протоколи сигурно ќе има повторно воведување на рестриктивни мерки со цел зачувување на јавното здравје.
Ново на Сител
-
Во Охрид до 13 часот на изборите излегле околу 27 проценти, во Дебрца 26 отсто од гласачите
-
Во Велес до 13 часот излезноста е 30,08 за претседателски и 30,57 за парламентарни
-
Кавадарци со близу 30 отсто излезност до 13 часот
-
Во Крушево до 13 часот излезноста е над 34 проценти, а во Долнени двојно помала
-
Излезноста до 13 часот за претседателски избори е 23,95% , за парламентарни 25,84
-
Јавното обвинителство поднесе пријава за поткуп во Велес за две лица
-
Поставен штанд на партија во Шуто Оризари, расфрлани летоци во Чаир, агитирање...
-
ОДИХР со над 300 набљудувачи на гласачките места низ земјава, заклучоците ќе ги соопшти утре