Скопјанец тешко повреден откако со автомобил удрил во ограда
Педесетгодишен маж е повреден во сообраќајна несреќа што се случила вчера попладне во 18:10 часот на делницата од автопатот А1 Скопје-Велес, на исклучокот од автопатот кај Башино Село. Во сообраќајката патничко моторно возило со скопски регистарски таблици управувано од возачот Е.Ј. на возраст од 50 години, излегол со возилото надвор од коловозот и удрил во метална заштитна еластична ограда и метална канделабра за осветлување.
Како што информира од СВР Велес Димитар Каракулев, возачот се здобил со телесни повреди и со возило на Итна медицинска помош бил пренесен во ЈЗУ Општа болница во Велес.
Портпаролот на ЈЗУ Општа болница Велес д-р Весна Неделковска Николова за МИА информира дека возачот, 50-годишен скопјанец се здобил со повреди на глава и скршеница – фрактура на десна потколеница. По прегледите, повреднеиот бил препратен на понатамошно лекување во Клиничкиот центар – Скопје.
Увид на местото на несреќата, по овластување на Јавен обвинител, извршен е од страна на увидна екипа од СВР Велес.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд