Сијарто апелира на меѓународна акција против прогонот на христијаните на Блиски Исток

Шефот на унгарската дипломатија Петер Сијарто вчера изјави дека меѓународната заедница мора да преземе акција против прогонот на христијаните на Блиски Исток со оглед на влошената ситуација во Либан и во Сирија.

Тој на прес-конференција по состанокот на министрите за надворешни работи на НАТО во Брисел рекол дека кризата на Блискиот Исток е прва точка на дневниот ред на состанокот, имајќи ја предвид опасната ситуација во таа област која претставува закана за безбедноста, не само во Европа, туку и во целиот свет, соопшти унгарското Министерство за надворешни работи.

„Унгарија продолжува да ги поддржува христијанските заедници во Либан и ги одржуваме нашите програми за обновување на христијанските цркви, помош на христијанските заедници и функционирање на христијанските институции“, истакнал Сијарто.