Си-Ен-Ен: Рекс Тилерсон најверојатен нов државен секретар на САД
Претседателот на Извршниот одбор на нафтената компанија „Ексон-Мобајл“, Рекс Тилерсон е изборот на новиот претседател на САД, Доналд Трамп за иден американски државен секретар, објави телевизијата Си-Ен-Ен, повикувајќи се на „свои извори“.
Телевизијата оценува дека изборот на Тилерсон ќе предизвика бурна дебата во Сенатот при неговото именување, но и дека тоа ја сигнализира определеноста на Трамп за олеснување на сегашните тензии меѓу Вашингтон и Москва.
Рекс Тилерсон (64), како и Трамп, нема никакво искуство во надворешната политика и во дипломатијата, но како прв човек на „Ексон-Мобајл“ има изградено блиски односи со повеќе светски политички лидери, правејќи зделки низ Евроазија и Блискиот Исток за оваа најголема енергетска компанија во светот.
Според Си-Ен-Ен, определбата на Трамп за Тилерсон, доаѓа по повлекувањето на Руди Џулијани, за кого се тврди дека бил неговиот првичен избор.
Американските медиуми откриваат дека Тилерсон преку нафтениот бизнис има изградено „добри врски и со Русија и со рускиот претседател Владимир Путин“.
Тој е остар критичар на актуелната американска Администрација, затоа што воведе санкции кон Русија поради анексијата на Крим во 2014 година.
Тилерсон е претседател во „Ексон-Мобајл“ од 2006 година и најавуваше дека идната година ќе се повлече од компанијата.
Оваа нафтена компанија е присутна во над 50 земји на сите континети, каде работи на експлоатација на нафта и гас.
Во 2011 година, „Ексон“ потпиша договор со најголемата руска државна нафтена компанија „Росњефт“ за заедничка експлоатација и производство на нафта. Од тогаш, двете компании имаат создадено десет проекти за заедничко вложување во Русија.
Тилерсон во 2013 година беше одликуван од рускиот претседател Путин со Орден на пријателството.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд