Шетала по плажата и наишла на необична глетка: Морето исфрлило необичен скелет, никој точно незнае што е

Новозеланката Хана Мери шетала по брегот на Крајстчрч кога на плажата затекнала остатоци од едно необично битие.

„Прво помислив дека станува збор за нешто со вонземјанско потекло. Бев фасцинирана“, рече Хана.

Со ќерката мистериозниот скелет го однела кај стручњаци за препарирање на животни, но никој не можел да и помогне.

Кога фотографиите од ова суштество завршија на социјалните мрежи, се појавија многу теориии за што би можело да се работи. Некои тврдат дека „изгледа како ѓавол“, дека тоа сигурно не е риба, но преовладува одговорот дека најверојатно во прашање е пажа од длабоките води. Иако официјален одговор нема, судејќи по обликот на скелетот, тоа најверојатно е точно.