Шекеринска: Војниците кои ги гаснеа пожарите ќе бидат наградени
Сите војници и старешини кои учествуваа и помагаа во гасењето на пожарите ќе бидат парично наградени, најави денеска министерката за одбрана Радмила Шекеринска во рамки на одбележувањето на 25-годишнината од формирањето на АРМ.
Кога пожарите летово се проширија низ повеќе делови од нашата држава, потенцираше Шекеринска, Армијата повторно прва дојде на помош. - Со хеликоптери кои значеа спас за повеќе села и за бројни семејства, со посади кои две недели не знаеја за одмор, во ризични и напорни акции, со дополнителни 60 претставници и припадници на вооружените копнени сили кои секојдневно се бореа со пожарите, ставајќи ја добросостојбата на своите граѓани пред својата. Оваа непоколеблива посветеност и оваа жртва заслужува да се вреднува од сите нас и од државата, нагласи Шекеринска на свечениот собир на вработените во Министерството за одбрана и Генералштабот на АРМ.
- Храброста знам дека не се плаќа со пари, но и грижата не смее да остане само на зборови. Храброста и херојскиот напор на нашите војници не смеат да поминуваат без признанија, рече Шекеринска.
Ново на Сител
-
Двојно убиство попладнево во скопско Стајковци
-
Анкета на ИРИ: 68% од Македонците поддржуваат членство во ЕУ
-
„Епл“ ги претстави новите „Ајпад про“ таблети
-
„Опен-АИ“ со новости околу „Чет-ГПТ“
-
Словенец ќе биде главен судија во финалето на Лигата на шампионите
-
Гвардиола: Да беше до парите, Јунајтед требаше да ги освои сите титули
-
Разрешен е директорот на Токсикологија, Данил Петровски
-
СИРИЗА ќе ги поднесе во грчкиот Парламент трите меморандуми со Северна Македонија