Шекеринска се надева дека приемот во НАТО нема да ги одложи превремените парламентарни избори
Министерката за одбрана Радмила Шекеринска денеска изрази надеж дека приемот на нашата држава во НАТО нема да влијае на најавените предвремени параламентарни избори.
Одговарајќи на новинарско прашање, дали изборите може да бидат одложени, Шекеринска потенцира дека одлуката е донесена, има консензус и се работи на тоа изборите да бидат на 12 април.
Го прифаќам ставот на многумина кажан на лидерската средба, рече, дека 30 години работиме на два стратешки приоритети членство во НАТО и во ЕУ.
– Овие приоритети се над се останато. Апсолутно сметам дека треба да напаравиме се што е во наша моќ навреме да се завршат постапките пред парламентарните избори и очекувам и се надевам дека тоа ќе се случи, порача денеска министерката Шекеринска, која беше во посета на Воената академија „Генерал Михаило Апостолски“, во касарната „Гоце Делчев“.
Членството во НАТО, оцени таа, е успех број еден и ништо не смее тој успех да го загрози. Затоа, посочи Шекеринска, Владата носи потези кои само не приближуваат кон НАТО.
– На овој Парламент мораме да му ја дадеме шансата да го заокружи процесот со успех. Не беше лесно да се биде пратеник во последните две и пол години. Се носеа тешки одлуки, се носеа одговорни одлуки и сега тие одлуки ќе бидат крунисани со остварување на овој голем државен успех. Северна Македонија станува членка на најмоќната воено-политичка Алијанса, изјави министерката за одбрана Радмила Шекеринска.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o