Севернокорејскиот лидер со коњ се качи на највисоката планина во земјата
Лидерот на Северна Кореја Ким Џонг-ун се искачи на највисоката планина во земјата, јавајќи коњ. Државната новинска агенција КЦНА објави неколку фотографии на кои се гледа како Ким јава бел коњ на планината Пекту, покриена со снег.
Ова не е првпат Ким да се искачи на врвот висок 2.750 метри, а аналитичарите велат дека на ваквите потези обично претходат на големи најави. Оваа планина зазема посебно место во идентитетот на државата и се вели дека е родно место на таткото на Ким.
„Неговото марширање на коњ на Пекту е одличен настан од големо значење во историјата на Корејската револуција. Седејќи на коњ на врвот на Пекту, тој со длабока емоција се потсети на големите напори кои ги вложи за големата кауза за изградба на најмоќната земја со верба, а таа верба е исто толку цврста како и планината Пекту “, објави денеска КЦНА.
Ким ја посети планината и неколку недели пред новогодишната ноќ во 2017 година, кога навести затоплување во односите со Јужна Кореја. Неговите претходни посети се поврзани со големи одлуки, потсетува Би-Би-Си.
Ким се искачи на Пекту најмалку три пати, а минатата година го стори тоа заедно со претседателот на Јужна Кореја Мун Џе-ин.
Ново на Сител
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек