Селмани: Реформата во МТВ да не се сведе на меѓупартиски пазар и договор
Претседателот на Здружението на новинари на Македонија Насер Селмани после изборот на директори на јавниот радиодифузен сервис, денеска изјави дека стравува оти реформата во МРТ ќе се сведе на меѓупартиски пазар и договор.
- Што се однесува до прашањето за изборот на старо-новиот директор на МТВ навистина ми е жал што се испушти една златна можност, неповторлива би рекол, да покажеме дека ние како општество имаме капацитет да се соочиме со предизвиците. Очигледно притисокот на партиите беше голем. Имавме контакти со членовите на Програмскиот совет, има расположение да разговара, меѓутоа, кога се вмешаа партиите, тогаш луѓето се повлекоа, рече Селмани.
Според него, се покажува дека луѓето во Македонија повеќе покажуваат лојалност кон партијата на која и припаѓаат отколку на јавниот интерес и на интересот на граѓаните.
- Она што мене најмногу ме загрижува е што не гледам критична маса во политичкиот естаблишмент, дали се тоа од власта или од опозицијата, сериозно да ги сфатат медиумските реформи. Јас стравувам дека од медиумските реформи, реформата во МРТ ќе се сведе на меѓупартиски пазар и договор, рече Селмани.
ЗНМ, додаде тој, ќе го следи процесот и веднаш ќе реагира секогаш кога ќе смета дека тие решенија не се согласно европските стандарди и интересите на граѓаните.
- Ние силно вршиме притисок јавниот сервис да се осамостои, да се ослободи од политичката контрола, а од друга страна бараме и секако финансиска одржлива конструкција која што ќе му овозможи на јаваниот сервис да ги исполни обврските, рече Селмани, по потпишувањето на Меморандумот за соработка со Комисијата за слободен пристап до информации од јавен карактер.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд