САД и Јужна Кореја ги продолжуваат маневрите прекинати поради Олимпијадата
САД и Јужна Кореја на 1 април ќе ја продолжат заедничката воена вежба, која беше прекината поради одржувањето на Зимските олимписки игри во јужнокорејаскиот град Пјонгчанг, соопштија официјални лица на двете земји.
Вежбата ќе биде продолжена и покрај тоа што американскиот претседател Доналд Трамп планира средба со севернокорејскиот лидер Кин Џонг-ун, кој воените маневри на Сеул и Вашингтон ги смета за подготовка за војна против Северна Кореја.
Јужна Кореја и САД години наназад одржуваат заеднички воени вежби во март, што оваа година, најмногу поради ЗОИ, беа поместени.
Неименуван извор од Јужна Кореја вели дека оваа година воената вежба ќе се одржи со цел да се „подигне подготвеноста против разните закани од Северна Кореја“.
Минатата година САД и Јужна Кореја одржаа заедничка воена вежба од 1 март до 30 април, во која учествуваа и американскиот носач на авион „Карл Винсон“, кој нема да биде присутен на овогодинешните маневри.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот