„Роднокрајни поетски средби“
Здружението за развој на култура и заштита на културното наследство „Контекст – Струмица“ во соработка со интернационалното движење „100 Илјади поети за промена“ вечер на „Сцена 112“ ги организира 7. „Роднокрајни поетски средби“.
Целта на манифестацијата е да се зближат роднокрајните автори и да се креира јадро за нивно запознавање, презентација и промоција, но истовремено и да и се понудат на публиката автори од Македонија и од странство кои досега не настапувале во Струмица.
На годинашните Роднокрајни средби ќе настапат десет поети, а специјални гости се Мохамад Фарахат и Мохамад Магди Абд Рабо од Каиро, Египет. Тие ќе се претстават и во Скопје, Гевгелија и Радовиш.
Мохамад Фарахат е роден 1988 година. Пишува поезија и кратки раскази, избран е за еден од најдобрите 100 арапски автори и еден од највлијателните претставници на модерната литература од Каро. Пишува за неколку национални весници и списанија за литература. Овој писател кој создава нов пристап во пишувањето на кратки раскази е креатор и на бедаја работилниците за деца за креативно пишување.
Мохамад Магди Абд Рабо е роден 1986 година. Автор е на три книги поезија и на една драма, добил неколку престижни награди во Египет, а неговиот последен неиздаден проект „THE Horn Blower“ е серија од шест дела кои говорат за постоењето на човештвото, крајот на земјата и креирањето нова земја без војна. Основач е на културното движење „EL-BROVA“ и работи на едукативни проекти поддржани од Министерство за култура на Египет.
На досегашните шест изданија на оваа манифестација, на сцената на роднокрајни поетски средби учествуваа повеќе од педесет автори од Струмица, регионот и пошироко.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан