Раководството на Косово го осуди насилството во македонското Собрание
Косовскиот претседател Хашим Тачи напиша на Фејсбук дека Охридскиот договор е вистинска рамка за обезбедување демократско функционирање на Македонија, пренесува Танјуг.
- Ги следам со загриженост случувањата во Република Македонија. Го поздравувам изборот на новиот претседател на македонското Собрание, господинот Талат Џафери, и апелирам сите да се воздржат од насилни дејствија, напиша Тачи.
Истовремено, претседателот на косовскиот Парламент, Кадри Весељи, исто така, го осуди насилството во Скопје и инсистира политичкото раководство во земјата да ги одржи мирот и стабилноста.
- Во интерес на сите луѓе во регионот е да се одржи стабилноста и кризите да се решаваат со политички средства, напиша Весељи на Фејсбук.
Косовското Министерство за надворешни работи во своето соопштение наведува дека внимателно ја следи ситуацијата во Македонија и смета дека насилството врз пратениците е неприфатливо и недемократско.
Движењето „Самоопределување“ во своето соопштение пишува дека насилството во македонското Собрание е извршено со премолчена согласност од полицијата. Партијата соопшти дека се надева оти моменталната ситуација во Скопје нема да прерасне во државен удар или цивилен судир.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка