Ракометарите на Данска и Германија во олимпиското финале
Во финалето на ракометниот олимписки турнир ќе играат Данска и Германија.
Данците во драматично полуфинале синоќа ја победија Словенија со 31-30, додека Германците ја совладаа Шпанија со 25-24.
Данска водеше од првата до последната минута, во некои моменти и со шест разлика, но Словенија полека ја намалуваше негативата и минута до крајот дојде со само гол негатива (30-31).
Во следниот напад, Данците изнудија седмерец кој Микаел Хансен не го реализираше, а Словенија доби 15 секунди да избори продолжение. Алекс Влах беше сопрен со прекршок, Словенците бараа седмерец, но судиите досудија само девет метри дд кои Борут Мачковшек не успеа да постигне гол со истекот на времето.
Данска до победата ја предводеше Магнус Ландин Јакобсен со шест и Лукас Јоргенсен и Микел Хансен со по пет гола, а во словенечките редови најефикасни беа Алекса Влах и Дин Бомбач со по седум гола.
Данска досега само еднаш има освоено олимписко злато, во 2016 година во Рио де Жанеиро, додека во Токио беше втора.
Ново на Сител
-
ЈО: Нема наредба за приведување на ниту едно лице за изградба на црква во Гостивар
-
ССКМ: Фер пазарна конкуренција ќе донесе придобивки за сите
-
Лишен од слобода разбојник во струмичко Ново Село
-
Велика Британија денеска привремено пушта на слобода околу 1.750 затвореници
-
Кавадарчанка со тврд предмет ја нападнала мајка си
-
МВР: Краен рок за промена на возачките дозволи со старото уставно име е 31.12.2024
-
ЈО: Психотропни супстанции пронајдени во стан во Скопје, поведена истрага
-
Судскиот совет попладне ќе ја одржи 498 седница