Прв самит Бајден-Путин во Женева
Првата тет-а-тет средба меѓу американскиот претседател Џо Бајден по стапувањето на функцијата и неговиот руски колега Владимир Путин може да трае четири до пет часа, па и повеќе, а меѓу темите за кои ќе се разговара се контролата на оружјето, кибер нападите и мешањето во изборите.
Меѓутоа, на средбата нема да има заеднички ручек, а рускиот и американскиот претседател ќе одржат и одделни прес-конференции, што е знак на затегнатите меѓусебни односи.
-Нема да има кршење леб, им соопшти на новинарите висок американски функционер додека Бајден слетуваше во Женева на разговорите што денеска треба да почнат околу 13 часот во вилата „Ла Гранж“, елегантна сива палата опкружена со парк од 30 хектари, изградена во 18-от век.
Путин на самитот пристигнува прв, а тој и Бајден прво ќе се сретнат со швајцарскиот претседател Гај Пармелин. Потоа, рускиот и американскиот претседател ќе разговараат во библиотеката каде се чуваат стари книги на кинески, француски, персиски и турски јазик.
Меѓу илјадниците книги во вилата е и книгата на Чарлс Пикет де Рошемонт, дипломат кој ја подготви Швајцарската декларација за трајна неутралност – дополнителната причина за изборот на Женева како место за одржување на самитот.
Со Бајден на средбата ќе присуствува и американскиот државен секретар, Ентони Блинкен, додека Путин ќе го придружува шефот на руската дипломатија, Сергеј Лавров.
Самитот во мирниот швајцарски град ќе го обезбедуваат меѓу три и 3,5 илјади полицајци.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово