Претставниците на медиумите во Грција обвинуваат за полициско насилство на протест во Атина
За уште еден случај на полициско насилство врз вработени во медиумите, со седум повредени во неиспровоциран напад од полицајците за време на синоќешниот протест во Атина, обвинуваат преку соопштение од Здружението на фоторепортери на Грција заедно со Здружението на странски дописници во Грција и со поддршка од Здружението на новинари, јави дописничката на МИА од Атина.
Паралелно ја повикуваат Владата да ги информира дали ветувањата што ги дала „за квалитетот на јавниот дијалог, нејзината поддршка за жртвите на насилство (#metoo) и уверувањата за слободата на медиумите се само празни зборови“.
-Кој е „квалитетот“ на јавниот дијалог кога вработените во медиумите континуирано се напаѓаат и заплашуваат од државните органи во униформа? Може и мора да се даде наредба, овие појави да запрат. Може и мора да има последици за униформираните кои очигледно фоторепортерите ги гледаат како „плен“ во игра која е крајно опасна за демократијата. Недвосмислено ги осудуваме овие практики кои станаа „навика“, соопштуваат од здруженијата.
Дополнително, нивните обвинувања за полициско насилство ги поткрепуваат со видео и фотографии од вчерашниот протест организиран од поддржувачите на осудениот терорист од организацијата „17 Ноември“ кој веќе 50 дена штрајкува со глад.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот