Претседателот Пендаровски прими делегација од Организацијата на резервни офицери
Претседателот Стево Пендаровски денеска прими делегација од Организацијата на резервни офицери на Република Северна Македонија (ОРОРСМ) по повод 70-годишниот јубилеј од формирањето на Организацијата.
– На средбата, претседателот Пендаровски беше запознаен со тековните активности и задачи на Организацијата, за нивната улога во одбраната и безбедноста, како и за соработката што ја остваруваат со надлежните институции на Северна Македонија и со сродни здруженија од земји-членки на НАТО. Претставниците од ОРОРСМ го информираа претседателот за нивната меѓународна активност, како членка на средноевропската платформа ГАМИНГЕР иницијатива и асоцијативна членка на Меѓусојузничката конфедерација на резервните офицери (ЦИОР). Воедно, ги претставија и планираните програмски активности со цел одбележување на 70 годишнината од нивното формирање, се наведува во соопштението од Кабинетот на претседателот.
Во разговорот, претседателот Пендаровски изразил очекување дека Организацијата на резервни офицери и понатаму успешно ќе ги извршува доверените задачи во одбранбениот систем, преку подготовки и практично обучување на членството во функција на одбрана, заштита и спасување, со што ќе продолжи да придонесува во афирмација на воената професија.
Претседателот упати честитки по повод 70 – годишниот јубилеј од формирањето на Организацијата на резервни офицери и им посака успех на претстојниот состанок на ГАМИНГЕР иницијативата, чии домаќини ќе бидат идната година.
Ново на Сител
-
Излезноста до 11 часот за претседателски избори е 12,87% , за парламентарни 13,69
-
На ГП Ќафасан спречен шверц на 53,3 килограми марихуана, чија крајна дестинација била Македонија
-
На набљудувач му ги дупнале гумите на автомобилот во Радуша
-
Се гласа во сите избирачки места во Тетово, на две места со употреба на УВ-ламба и отпечаток од прст
-
Во Прилеп до 9 часот гласале 6,69 за претседателските, а 6,52 за парламентарните
-
Кавадарци со 6.22 отсто излезност до девет часот, Росоман со 5.4 проценти
-
Во Демир Капија 10,42 отсто излезност до девет часот
-
Во Велес до 9 часот гласале 6,36 проценти за претседател и 6,29 проценти за пратеници