Претседателот на Ломбардија информира за 2500 новозаразени со новиот коронавирус
Во италијанската провинција Ломбардија се пријавени нови 2500 случаи на инфекција со коронавирус.
– За жал, бројките не се многу убави, бројот на заразени лица премногу се зголеми во однос на изминатите денови. Имаме 2500 нови инфекции, рече претседателот на Ломбардија, Атилио Фонтана.
– Мораме да процениме дали станува збор за нешто вонредно или за нагорен тренд, што сигурно не би било добро за нас, додаде тој, изразувајќи загриженост:
– Јас лично сум загрижен. Не знам дали е ова нов врв на заразата. Светската здравствена организација и нашите институции кажуваат што треба да се прави, а што не, вели тој.
Според новите податоци, во Италија починале 7503 лица, што значи повеќе жртви отколку во Кина, каде беше првото жариште на епидемијата.
Добрата вест за Италија е дека бројот на новозаразени е во опаѓање четири дена по ред, што укажува на стабилизација на кривата на епидемијата. Во таа земја сега се активни 57,5 илјади случаи на новиот коронавирус.
Ново на Сител
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце