Преглед на вестите од светот

Русија успешно тестираше нова балистичка ракета со среден дострел Орешник во напад врз Украина како одговор на непријателските дејства, рече претседателот Владимир Путин во четвртокот, додека украинскиот претседател Володимир Зеленски подоцна ја обвини Русија за „ескалација и проширување на оваа војна“ во објавата на социјалните медиуми.

Путин ова го изјави, нагласувајќи дека новата ракета носи ненуклеарни боеви глави. Тој исто така рече дека украинскиот конфликт доби карактеристики на глобален конфликт по нападите на западните ракети врз руските региони Курск и Брјанск, ветувајќи дека Русија ќе одговори решително во случај на ескалација во Украина. Путин нагласи дека Русија има право да користи оружје против воените објекти на земјите кои го користат своето оружје против Русија.

Според Зеленски, брзината, висината на летот и другите карактеристики на ракетата истрелана од Русија одговараат на параметрите на интерконтинентална балистичка ракета, а украинските експерти спроведуваат процес на идентификација.

Продорниот звук на сирените за воздушен напад одекна низ Киев во четвртокот попладне, предупредувајќи ги неговите жители за потенцијален руски воздушен напад. Русија истрела интерконтинентална балистичка ракета за време на нападот врз украинскиот град Днипро, соопшти киевските воздухопловни сили. Ова ќе биде прва употреба во војна на оружје дизајнирано да изведува нуклеарни напади на долги растојанија, доколку се потврди.

Запрашан за изјавата на украинските воздухопловни сили, портпаролот на Кремљ, Дмитриј Песков, им рече на новинарите да контактираат со руската војска за коментар.
Руското Министерство за одбрана, во четвртокот, соопшти дека противвоздушната одбрана соборила два британски крстосувачки ракети Storm Shadow, но не кажа каде. Велика Британија претходно и дозволи на Украина да ги користи „Storrm Shadows“ на украинска територија.

Меѓународниот кривичен суд издаде налози за апсење на израелскиот премиер Бенјамин Нетанјаху, доскорешниот израелски министер за одбрана Јоав Галант и лидерот на Хамс Мухамед Диаб ал-Масри, јавија американските медими.

Судот соопшти дека налозите за апсење „се во интерес на жртвите и нивните семејства“. Во него се наведува и дека постојат „основи за сомневање“ да се верува дека тие „ги превиделе нападите врз цивилното население во Појасот Газа“

Палестинскиот амбасадор во Холандија, Амар Хијази, рече дека со издавањето на налози за апсење судот покажал дека „правдата се поправа“.

Израел ја отфрли јурисдикцијата на судот со седиште во Хаг и ги негира воените злосторства во Газа. 

Судот, исто така, издаде налог за апсење на водачот на Хамас, Ибрахим Ал-Масри, во кој се наведени обвиненија за масовни убиства за време на 7 октомври 2023 година, напади врз Израел кои ја поттикнаа војната во Газа, вклучително и силување и земање заложници. Обвинителството посочи дека ќе продолжи да собира информации во врска со неговата пријавена смрт.

Соединетите држави ја отфрлија одлуката на Меѓународниот кривичен суд (МКС) да издаде налози за апсење за, изјави портпаролката на Белата куќа, Карин Жан-Пјер на редовниот брифинг во четврток. Таа додаде дека САД разговараат за следните чекори со своите партнери, вклучувајќи го и Израел.