Преглед на вестите од светот

Украинската војска пријавила дека потопи руска подморница во Црното Море и нападнала  аеродром во Русија, додека руската страна соопшти дека украински беспилотни летала погодиле станбена зграда, при што загинало едно лице.

Ваквите напади следуваат откако Украина изврши притисок врз своите сојузници да и дозволат да користи ракети со долг дострел за да напаѓа цели длабоко во руската територија.

Западните сојузници, особено САД, досега даваа отпор, стравувајќи од ескалација на конфликтот.

За украинскиот претседател Зеленски единствениот начин да се обезбеди безбедноста било да се напаѓаат руските аеродроми.

Иранската закана за остра одмазда против Израел, кој го обвинува за смртта на политичкиот лидер на Хамас, Исмаил Ханије ја влошува состојбта на блискиот исток.

Израелскиот премиер, Нетанјаху, го предупреди Иран да не го напаѓаат Израел, бидејќи како што рече ќе бара висока цена за секој чин на агресија против нив.

Во последното деноноќие, 12 лица загинаа во израелските воздушни напади во Појасот Газа, додека двајца беа убиени во напад со нож од страна на палестински милитант во предградие на Тел Авив. Израелците извршија напади врз бегалски камп во болнички комплекс во централниот дел на Појасот Газа и на северот на територијата.

Во меѓувреме се повеќе држави нареди евакуција на своите граѓани кои се наоѓаат на територија на завојуваните подрачја. И македонското МНР со повика до нашите државјани - да ги одложат патувањата кои не се неопходни кон Израел.