Пожар во атарот на селото Соње во општина Сопиште, ангажирани три „ер трактори“

Во атарот на селото Соње во општина Сопиште попладнево избил пожар во чие гаснење биле ангажирани три „ер трактори“ на Дирекцијата за заштита и спасување.

Директорот на Центарот за управување со кризи Стојанче Ангелов во изјава за медиумите информира горела сува вегетација и ниски смреки, а чадот бил видлив од поголем дел од градот што предизвикало вознемиреност меѓу граѓаните и повеке повици на бројот 112. 

- Пожарот беше сопрен непосредно во близина на неколку викендици. Изгоре само една придружна просторија, вели Ангелов.