Поранешни осуденици ги заменија фантомките со пекарски капчиња
Група поранешни осуденици од српскиот град Крагујевац, по многуте безуспешни обиди да се вработат, почнаа свој сопствен бизнис.
За да си обезбедат себеси работа и за да излезат од маѓепсаниот криминален круг, тие решиле да се здружат и заедно да се борат против предрасудите кон нив, јавуваат локалните медиуми
По отслужувањето на затворските казни, поранешните затвореници во Србија речиси и да немаат никаква можност некој да ги вработи. Луѓето најчесто не сакаат ни да им дадат прилика да се докажат. Душан Мириќ е еден од повратниците кои одлучија прво да основаат здружение „По дождот", кое им помага на сите оние кои по затворот ќе се најдат на слобода, а потоа, пред извесно време - отворија и пекара.
Во тоа им помогнале родителите на еден од осудениците. Тие им отстапиле свој објект во центарот на градот, за нивниот син, но и другите како него, да можат чесно да работат и заработуваат. Меѓу нив има и еден професионален пекар.
Оваа идеја ја поддржаа бројни институции во градот, меѓу коишто и Правниот факултет. На овој начин им помагаат и на осудениците, но и на државата, така што помала е веројатноста тие да им се вратат на криминалните активности во немоќта да се вработат.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци