Подобрени инфраструктурните услови во планинскиот туристички центар Пониква
Општина Кочани ги заврши градежните работите за подобрување на инфраструктурните услови во планинскиот туристички центар Пониква на Осоговските планини.
Проектите што се реализираа во соработка со Јавното претпријатие за државни патишта и со концесионерот на скијачките патеки обезбедија дополнителен простор за паркирање и поголема безбедност на скијачите.
-Токму пред стартот на сезоната и почетокот на зимскиот распуст успеавме да поставиме заштитна ограда на скијачката патека број еден, со што се направи физичко одделување од една од улиците што води кон викенд населбата, а на која во изминатите години беа регистрирани повреди кај скијачите поради излетување од патеката. Исто така, освен постојниот паркинг кај одморалиштето на МВР, заедно со реконструкцијата на асфалтот кон Пониква, уреден е дополнителен простор кај месноста Аеродром, каде можат да се паркираат уште неколку стотини автомобили. За подобрување на хигиената поставени се дополнителни контејнери со заштитна мрежа, како и мобилни јавни тоалети, истакна градоначалникот на Кочани Николчо Илијев.
Заедно со инфраструктурните проекти, локалната самоуправа на Кочани преку Центарот за развој на Источниот плански регион ја заврши изградбата и уредувањето на туристичко-информативниот центар што ќе работи во текот на целата сезона.
Од годинава Пониква доби и нова веб-страница www.osogovo.mk на која се претставени карактеристиките на Осоговијата и на туристичкиот центар, а граѓаните можат преку видео сигнал и метеоролошки податоци во реално време да добијат информации за моментната временска состојба на планината.
Ново на Сител
-
Тешка сообраќајка во Србија: Во судир со автобус загина возачот на автомобилот, 30 луѓе се повредени
-
Прва победа за Минесота во конференциското финале со Далас
-
Kонституиран новиот собраниски состав, Гаши нов спикер
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Дел од Ѓорче Петров и Карпош без струја
-
Путин: Оружјето со долг дострел за Киев може да има „сериозни последици“ за Европа
-
УНРВА: Речиси еден милион Палестинци го напуштиле градот Рафа во последните три недели
-
Примена на смртната казна во светот на највисоко ниво од 2015 година