Поддршка од Турција за членството на Македонија во ЕУ и НАТО
Недвосмислена поддршка на патот на Македонија кон членство во НАТО и ЕУ искажа денеска високата труска делегација која е во посета на земјава по повод Денот на наставата на турски јазик.
Делгацијата во чиј состав се портпаролот на претседателот на Република Турција, Реџеп Таип Ердоган, Ибрахим Калин, советникот за Западен Балкан на претседателот Ердоган, Сабри Демири, амбасадорката на Република Турција во Република Македонија, Тулин Еркан Кара, претседателот на организацијата ТИКА, Сердар Чам, се сретна со со националниот координатор за НАТО, Стево Пендаровски, заменик министерот за образование, Петар Атанасов и пратеникот Мухамед Зекири.
Калин истакна и дека е голем интересот на турските бизнисмени да инвестираат во Македонија, што е придонес на Турската бизнис заедница кон економско зајакнување на Република Македонија.
-Македонија е многу важна држава за Република Турција и за турскиот народ, посебно затоа што многу големи личности во Турската историја потекнуваат од овие простори, меѓу кои и авторот на химната на Република Турција и голем број на пратеници во турскиот парламент, рече портпаролот Ибрахим Калин.
Пендаровски истакна дека Република Македонија од почетокот на своите аспирации за членство во НАТО во Република Турција има не само сојузник, туку и верен пријател со кој ќе продолжи да ја одржува соработката и по влезот на Македонија во НАТО алијансата.
Заменик министерот Атанасов, осврнувајќи се на мултикултурниот карактер на Република Македонија, пред гостите ја изложи непоколебливоста на Владата и премиерот Заев за афирмирање на мултикултурноста како вистинска вредност на едно општество за сите граѓани на Република Македонија, а во таа заложба турската заедница во Македонија е од исклучителна важност преку своите придонеси во целокупното општествено живеење.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот